Overblog Suivre ce blog
Editer l'article Administration Créer mon blog

Présentation

  • : Una stella quallà
  • Una stella quallà
  • : Collection d'instants
  • Contact

Profil

  • Céline
5 août 2009 3 05 /08 /août /2009 15:26

 


Ch'ellu si n'hè scorsu maghju
Sarà più d'una simana
Appròntati, o capraghju !
À lascià piaghja è calmana
Ch'hai da fà l'altu viaghju
Dopu ghjuntu in Barghjana

Avvèdeci, o Falasorna !
Cù i parenti è l'amichi
Sempre licati à Niolu
Per e gioie è i castichi :
Da Montestremu à u mare
Avemu listessi antichi.

Sbuccarai in Caprunale
Guardendu da altu à bassu
Supranèndune à Òmita
È a funtana di u Tassu
Bàsgiati a croce nova
Chì a vechja ùn s'hè più trova.

U terzu ghjornu à la mane
Ti n'andarai vulinteri
In Sesta o Petra Pinzunta,
Bicarellu o à Tileri ;
Più chè mai ghjunghjeranu
À l'abbordu i frusteri.

Avà chì hai righjuntu
Di l'estate u rughjone
Di tantu in tantu in paese
Affàccati à l'occasione
Poi ùn mancà a to festa
A mane di Sant'Antone.

A Filetta (1994)

 

Partager cet article

Repost 0

commentaires